Coa idea de dinamizar a lectura, preséntase esta actividade, que ten como obxectivo o intercambio de libros e outros obxectos, sendo o punto de encontro unha gaiola situada no hall da escola.
A maiores de permitir a circulación de libros de man en man, o proxecto ten a particularidade de permutar obxectos cun significado especial: algunha imaxe, algún poema ou calquera obxecto pequeno que poida namorar.
Para a inauguración da Biblioteca Itinerante, o primeiro libro que entrará na gaiola será El diablo en la playa, de Ana Vallés, dramaturga e creadora escénica que nos acompañou na inauguración da Escola dando o seu nome a unha das aulas. Acompañarase este libro cun limón escrito na súa pel, por ser o limón un obxecto presente na traxectoria de Vallés.
Convidamos á comunidade educativa a participar neste suxestivo xogo que, sen unha grande ambición, pretende fomentar o intercambio de recursos e coñecementos.
