O xoves 6 de xuño estréase, no Teatro Carlos Alberto do Porto, a peza “Na hora dos cans”, produción do proxecto NÓS/NOUS con dramaturxia de Ana Carreira e dirección de Nuno M. Cardoso, na que participa alumnado da nosa escola
A rebelión e o porvir son as ideas-chave do espectáculo, inspirado nas vivencias das participantes, alumnado da ESAD de Galicia, a ENSATT de Lyon, a ESMAE do Porto e a ESTC de Lisboa.
O proxecto NÓS/NOUS pretende mellorar o intercambio artístico entre diversos teatros e escolas portuguesas, francesas e galegas, promovendo a profesionalización e internacionalización do estudantado no período final do seu percorrido académico.
