Calidade

Presentación

De acordo co establecido na lexislación vixente, nomeadamente na Orde do 21 de novembro de 2016, no seu artigo 28 (Diario Oficial de Galicia do 1 de decembro de 2016), a ESADg ten establecido un Sistema de Garantía Interna da Calidade coa finalidade de potenciar a mellora das súas actividades docentes e de xestión. Ao mesmo tempo, e seguindo as normas establecidas pola administración educativa, nomeadamente o Convenio asinado entre a Consellería de Cultura Educación e Ordenación Universitaria e a Axencia para a Calidade do Sistema Universitario Galego (ACSUG), a ESADg establece protocolos e liñas de actuación ao abeiro do disposto na Guía para a o seguimento das titulacións superiores de ensinanzas artísticas editada pola ACSUG en xuño de 2015. Na configuración do Sistema de Garantía Interna de Calidade da escola, e na elaboración e edición do seu Manual de Calidade, tómanse en consideración os parámetros establecidos pola Asociación Europea para a Garantía de Calidade da Educación Superior, desenvolvidos pola Agencia Nacional de Evaluación de la Calidad y Acreditación (ANECA) e pola propia ACSUG, sen esquecer algunhas directrices contidas na norma ISO 9001: 2008 en relación cos procesos de xestión e administración do centro.

Para o desenvolvemento de políticas de calidade, ademais das responsabilidades que lle son propias ao equipo de dirección e aos órganos colexiados da escola, e da comunicación das políticas á inspección educativa para os efectos oportunos, a ESADg conta cun Departamento de Calidade e cun Servizo de Garantía Interna de Calidade onde participa a comunidade educativa. No Anexo I está dispoñible o documento Anexo I 01 Listaxe de procedementos que contén todos os que se contemplan no Sistema de Garantía Interna de Calidade.

IMPORTANTE: Na sección dedicada a alumnado e a profesorado aparecen os documentos de uso frecuente en cada sector da comunidade escolar.

Documentación