A Escola Superior de Arte Dramática de Galicia iniciará durante o mes de outubro o proceso electoral da renovación de representantes dos distintos sectores da comunidade educativa no Consello de Centro, de acordo co establecido na Resolución do 27 de agosto de 2026, da Dirección Xeral de Ordenación e Innovación Educativa, publicada no Diario Oficial de Galicia do 4 de setembro de 2026.
REPRESENTANTES QUE SE DEBEN ELIXIR
Neste proceso electoral deberán cubrirse 13 postos de representación, distribuídos entre os seguintes sectores da comunidade educaativa:
Profesorado: 5 representantes
Alumnado: 7 representantes
Persoal de administración e servizos: 1 representante
As persoas integrantes destes tres sectores poderán participar no proceso electoral correspondente, tanto representando as súas candidaturas como exercendo o seu dereito ao voto, de acordo coa normativa aplicable.
CALENDARIO DO PROCESO ELECTORAL
A Resolución establece os seguintes prazos para o desenvolvemento das eleccións:
1. Constitución da Xunta Electoral
A organización e supervisión do procedemento de elección de novas representantes do Consello estará a cargo da Xunta Electoral, que estará integrada por:
- O director do centro.
- Un/ha representante do equipo docente.
- Un/ha representante do alumnado.
- Un/ha representante do persoal de administración e servizos.
As tres últimas persoas serán designadas mediante sorteo, que será público e preverá a designación de integrantes titulares e suplentes. Celebrarase o martes 20 de outubro de 2026 ás 12:30 na Sala do Profesorado da ESAD de Galicia.
2. Presentación de candidaturas
A Xunta Electoral determinará e fará públicas as datas e procedemento de presentación de candidaturas, garantindo un prazo de admisión non inferior a sete días naturais.
3. Votacións
As eleccións das persoas representantes do profesorado, do alumnado e do PAS celebraranse entre o 23 e o 27 de novembro de 2026, nas datas e horarios que estableza a Xunta Electoral.
4. Proclamacións das persoas elixidas e constitución do Consello de Centro
Finalizadas as votacións, realizarase o escrutinio e procederase á proclamación das persoas representantes elixidas, de acordo co procedemento legalmente establecido. Posteriormente, constituirase o Consello de Centro coa súa nova composición.
INFORMACIÓN E PARTICIPACIÓN
Unha vez constituída a Xunta Electoral, a ESAD de Galicia dará a coñecer o calendario electoral definitivo, que incluirá os prazos e procedemento de presentación de candidaturas, as datas das votacións e os demais aspectos organizativos do proceso.
Toda a información relevante será comunicada á comunidade educativa a través das canles oficiais do centro.
Desde o equipo directivo da ESAD de Galicia animamos a toda a comunidade educativa a participar activamente neste proceso, tanto mediante a presentación de candidaturas como a través do exercicio do voto, contribuíndo así ao fortalecemento da participación democrátiva e da corresponsabilidade na xestión do centro.
